| Informasjon Hardanger fartøyvernsenter blei i 2007 ei eining i Hardanger og Voss museum som er ein konsolidert museumsinstitusjon beståanda av Kunsthuset Kabuso, Ingebrigt Vik museum, Kvam bygdetun, Hardanger folkemuseum, Agatunet, Granvin bygdetun, Voss folkemuseum og Hardanger fartøyvernsenter. Frå ungdomsprosjekt til nasjonalt kompetansesenter
Stiftinga Hardanger Fartøyvernsenter (HFS) vart etablert i 1984. HFS er ei næringsdrivande stifting som utførar eit breitt spekter av tenester innan fartøyvern, nybygging og restaurering av klinkbygde småbåtar, attføring av vanskelegstilt ungdom, lærlingetilbod, museumsverksemd, leirskule og reiseliv. HFS er eitt av tre nasjonale fartøyvernsenter utpeikt av Riksantikvaren, og godkjent av staten som offentleg barnevernsinstitusjon. HFS eig og driv hardangerjakta Mathilde, motoryachten Faun og kutter Vikingen. Senteret er lokalisert i Norheimsund, Hordaland fylke. HFS har 42 årsverk fordelt på nesten 60 personar. Omsetjinga i 2006 var på omlag 27 mill kroner.Omlag 14 000 personar besøkte HFS og Hardangerjakta Mathilde i 2007.
|
||
