| I sommar har me utstilt skutemaleri frå Hardanger, sjå vedlegg. Me har fått låna 18 skutemaleri, også kalla fartøyportrett, som til vanleg heng i stovene hos folk i Hardanger. Bileta er laga i perioden 1860 – 1914 av seks ulike malarar. Utstillinga fortel mykje om fartøybygging og skipsfart i den tida Hardanger låg langt framme i den næringa, mellom anna i nordlandsfarten. Utstillinga vert ståande fram til 5. september og er ope kvar dag kl 10 – 17. Velkomen til ei utstilling av skatter fra mange heimer. Bilete nederst er: Skonnert Anna af Kjøta, i dag Anna Rogde. (1879) er malt Fredrik Martin Sørvig, ein kjend skutemalar som også var teatermalar ved teateret i Bergen. Maleriet er eigd av Hans A. Rogde og har "alltid" henge i bestestova på garden nær 300 meter over Sørfjorden. Isak L. Rogde (1838- ), som eigde og var skipper på Anna, var frå det bruket. Skonnerten var bygd som Anna af Bergen i 1867/68 ved Bangsund skipsverft i Namsos. Isak L. Rogde kjøpte Anna i 1872 og dreiv ho med Nå i Ullensvang som heimehamn. Den kjende skipperen gifta seg på Kjøtta ved Harstad og gav skuta namnet Anna af Kjøta. Ho gjekk i fraktefart frå Arkangelsk i nordaust til Portugal i sørvest. No heiter ho Anna Rogde, har heimehamn i Harstad og den eldste seglande skonnerten i verda. Les meir om utstillinga her. | 
Ein liten del av utstillinga. Me ser jakter, ei hønerævskøyte og ein skonnert.
Kafeen med litt av utstillinga. Den nye museumsbutikken i bakgrunnen. 
Måleriet av Anna Rogde omtalast i teksten til venstre. |
