SommarSegl med Mathilde 2018!

Bli med hardangerjakta Mathilde på sommartokt. Segl, opplev, nyt!
Programmet for sommartokta er klart, og me kan by på spennande nyheiter og gamle slagarar.

BIKE & SAIL 10.-13. mai 2018

Bli med SJ Mathilde på verdas fyrste Bike & Sail Hardanger. Her får du det beste frå fjordkulturen om bord på skuta og dei venaste delane av Hardanger frå sykkelsetet. Lokalkjend guide syner deg løynde perler i det spektakulært grøderike blømingslandskapet.

Totalpris NOK 8950,-

Meir info og påmelding

 

HIKE AND SAIL 25.-29. juni 2018
Vel møtt til eit spennande og krevjande tokt som kombinerer segling på Hardangerfjorden med varierte og utfordrande fjellturar til kjende og ukjende turmål langsmed fjorden. Stig om bord på hardangerjakta Mathilde og bli frakta frå hamn til hamn, fjell til fjell. Me ynskjer deg som gjest velkomen om bord til verdas fyrste Hike & Sail i Hardanger! Høver for deg som er sprek og taklar 3 dagar på rad med 1000 m stigning.

Totalpris NOK 8950,-

Meir info og påmelding

 

JENTETOKT 2018 Stavanger - Haugesund 16.-20. juli 2018
Denne veka seglar Mathilde med kvinneleg mannskap, og berre jenter slepp om bord som medseglarar. Som alltid på jentetokt vert det spennande hamner, song, latter og god mat. Skipper Cecilie er klar og gler seg til å møta 'gamle' og nye jenter. Ho meiner at jentetokta er såpass helsebringande at ein burde få dei på blå resept.

Totalpris NOK 7500,-

Meir info og påmelding


KYSTSAFARI 2018 Haugesund - Rosendal 23.-27. juli 2018
Seglas som høver for store og små, landkrabbar og sjøulkar!
Årets kystsafari går langs vestlandskysten frå Haugesund og inn Hardangerfjorden til vakre Rosendal. Dagane ombord vil vera rike på opplevingar. Aktivitetsnivået avgjer kvar og ein sjølv. Den som ønskjer det, kan delta aktivt i seglinga under kyndig rettleiing av mannskapet, få kjenna sjøspruten i andletet og få opp pulsen ved å klatra i riggen. Vil ein slappa av, kan ein sitja på dekk og lesa ei bok, eller berre nyta det å gli gjennom ukjend farvatn og gje seg hen til bøljeskvulp og måkeskrik.

Totalpris NOK 7500,- (Born fødd 2002 eller seinare NOK 5500,-)

Meir info og påmelding

Ta kontakt med oss på fartoyvern@hvm.museum.no eller tlf: 412 60 697 om du treng meir informasjon!